ٹیلی پیتھی : ایف ایم آر آئی کے ذریعے دماغ کو پڑھنے کا تجربہ

برکلی میں واقع یونیورسٹی آف کیلی فورنیا کے چند سائنس دانوں نے اپنے ایک تجربے میں یہ بات ثابت کرنے کی کوشش کی ہے کہ ٹیلی پیتھی کے ذریعے دوسرے انسان کے ذہن کو پڑھا جا سکتا ہے ٹیلی پیتھی اس فن کو کہتے ہیں جس مین ایک انسان دوسرے انسان کا ذہن پڑھ سکتا ہوں۔ تاحال ٹیلی پیتھی کا دعوی کرنے والے افراد اپنی صلاحیت کا کوئی جامع ثبوت تو پیش نہیں کر سکے۔ محققین نے یعنی ایم آر آئی کے ذریعے دماغ کی تصاویر لے کر ایک تجربہ کیا جس میں محققین نے دو رضاکاروں کو 1750 تصاویر دکھائیں اور انکے دماغ کے عمل کو نوٹ کیا۔ اس کے بعد ان کو مزید تصاویر دکھائیں جس کے بعد تجربہ کیا گیا کہ رضاکاروں کا دماغ کن تصاویر کو یاد رکھنے میں کامیاب رہا۔ امریکی ادارے نیچر کے مطابق اس تجزیے سے سائنس دانون نے ایک رضاکار کے دماغ کو پڑھنے میں 92 فیصد جبکہ دوسرے رضاکار کے ذہن کو پڑھنے میں 72 فیصد کامیاب رہے۔ تحقیق کرنے والے سائنسدانوں کے گروپ کے سربراہ چیک کیلینٹ نے مشین میں فنی اضافے کے بعد اسے ایف ایم آر آئی کا نام دے دیا ہے۔ محققین اس تجربے پر انحصار کرتے ہوئے اس بات کا امکان کر رہے ہیں کہ مستقبل میں ذہنی مریضوں کی حالت جاننے ، پاگل پن جیسی بیماریوں سے نمٹنے اور ادویات کے دماغ پر ہونے والے اثرات کا پتہ چلانے میں مدد ملے گی۔ دان گیلنٹ کے مطابق مستقبل میں ایسی ٹیکنالوجی عمل پذیر ہوگی جس سے یہ معلوم کیا جا سکے گا کہ دماغ میں کیا خیالات چل رہے ہیں۔